Tallindagi uchrashuv paytida Estoniya prezidenti Kersti Kalyuland Ukraina prezidenti Vladimir Zelenskiyga asal solingan idish va velosiped sovg‘a qildi, deb yozmoqda Meduza.
Velosiped ramasida Estoniya va Ukraina bayroqlarining suratlari hamda ingliz tilida “Ukraina prezidenti, Janobi Oliylari Vladimir Zelenskiyga” yozuvi bosilgan.
Ushbu sovg‘a “Sluga naroda” (Xalq xizmatkori) serialiga ishoradir. Unda bosh qahramon Ukraina prezidenti Vasiliy Goloborodko ishga velosipedda borgan.
Saylov kampaniyasi davomida Zelenskiy ishga velosipedda qatnashga va’da bergandi. Ammo avgust oyi oxirlarida Ukraina prezidenti xavfsizlik nuqtayi nazaridan unga bunday qilish taqiqlanganini aytgan.
Izoh (0)