O‘zbekistonda Chevrolet Equinox krossoverini ishlab chiqarish yo‘lga qo‘yilishi xabar berilgan edi. U Chevrolet Captiva krossoveri o‘rniga ishlab chiqarilishi kutilmoqda. Ushbu model 2018-yilning kuzida ishlab chiqarishdan olingan edi.
Marketolog Malik Karimov o‘zining “Na begu” Telegram-kanalida O‘zbekistondagi Chevrolet Equinox suratlarini e’lon qildi.
Qayd etilishicha, mashina saloni Malibu’nikiga o‘xshash bo‘lib, faqat sal balandroq. Chevrolet Equinox O‘zbekistonda 2020-yil ikkinchi choragi (aprel—iyun)da sotuvga chiqarilishi rejalashtirilgan. Ushbu avtomobil narxi Trailblazer’nikidan past, Malibu’nikidan sal yuqori bo‘lishi kutilmoqda.
Mavzuga doir: O‘zbekistonga import qilinadigan Chevrolet Trailblazer’ning dastlabki suratlari paydo bo‘ldi (foto)
Ma’lumot uchun, Shavkat Mirziyoyevning Andijonga tashrifi chog‘ida davlat rahbariga Chevrolet Equinox va Chevrolet Traverse krossoverlari hamda Chevrolet Trailblazer yo‘ltanlamasi tanishtirilgandi.