Toshkent shahar hokimligida Oliy Majlis Qonunchilik palatasi, xalq deputatlari Toshkent shahar va tuman kengashlariga bo‘lib o‘tadigan saylovlarga tayyorgarlik ko‘rish va uni o‘tkazishga doir tashkiliy masalalar ko‘rib chiqildi. Bu haqda hokimlik matbuot xizmati ma’lum qildi.
Yig‘ilishda so‘zga chiqqan Toshkent shahar hokimining o‘rinbosari Elbek Shukurovning qayd etishicha, saylovga tayyorgarligi holatini o‘rganish maqsadida 272 nafar turli soha vakillaridan iborat ishchi guruh tuzildi. Ushbu ishchi guruh vakillari tomonidan 14—15-noyabr kunlari poytaxtda tashkil etilgan 893 ta uchastka saylov komissiyasi faoliyati o‘rganib chiqildi.
O‘rganish natijalariga ko‘ra, bugungi kunda Toshkent shahrida saylovga tayyorgarlikda ayrim kamchiliklar kuzatilmoqda.
Yig‘ilishda bo‘lajak saylovlarga tayyorgarlik yuzasidan qator masalalar ko‘rib chiqildi va barcha mas’ullarga o‘rganish davomida aniqlangan kamchiliklarni tez fursatlarda bartaraf etish, xususan, saylov uchastkalarini talab darajasida jihozlash, ularda internet uzluksiz ishlashini ta’minlash hamda 5 kun muddatda saylovchilarning elektron ro‘yxatini to‘liq shakllantirish topshirig‘i berildi.Saylovlarga tayyorgarlik masalasida kamchilikka yo‘l qo‘ygan mutasaddilarga tegishli tartibda choralar ko‘rildi.
Izoh (0)