Prezident Shavkat Mirziyoyevning taklifiga binoan Turkmaniston prezidenti Gurbanguli Berdimuhamedov 28-noyabr kuni amaliy tashrif bilan O‘zbekistonga keladi, deb xabar berdi O‘zA.
Davlat rahbarlari o‘zaro manfaatli hamkorlikni yanada rivojlantirish istiqbollarini muhokama qiladi hamda savdo-iqtisodiy, transport-kommunikatsiya va madaniy-gumanitar sohalarda qo‘shma loyihalar amalga oshirilishini ko‘rib chiqadi.
Prezidentlar, shuningdek, mintaqaviy va xalqaro ahamiyatga molik dolzarb masalalar yuzasidan fikr almashadi.
Turkmaniston prezidenti 29-noyabr kuni Toshkentda Markaziy Osiyo davlatlari rahbarlarining ikkinchi maslahat uchrashuvida ishtirok etadi.
Eslatib o‘tamiz, joriy yil aprel oyida Shavkat Mirziyoyev Urganchda Turkmaniston prezidenti Gurbanguli Berdimuhamedov bilan uchrashgan edi. 2018-yilning aprelida esa ikki mamlakat prezidentlari “Ichan qal’a” hamda Nurillaboy majmuasini ziyorat qilgandi.
Izoh (0)