Ichki ishlar vazirining jamoatchilik tartibini saqlash bo‘yicha o‘rinbosari Muhiddin Jo‘rayev lavozimidan ozod etildi. Bu haqda “Daryo”ning hukumatdagi manbalari ma’lum qildi.
Bu boradagi tegishli farmon Prezident Shavkat Mirziyoyev tomonidan 18-noyabr kuni imzolangan. 19-noyabr kuni o‘tkazilgan yig‘ilishda vazir o‘rinbosarining lavozimdan ozod etilishini bosh vazir Abdulla Aripov e’lon qilgan.
Muhiddin Jo‘rayev 2018-yilning dekabrida ichki ishlar vaziri o‘rinbosari lavozimiga tayinlangan edi. Bunga qadar u Sirdaryo viloyati IIB boshlig‘i (2016—2018-yillar), shuningdek, Mirzo Ulug‘bek IIB boshlig‘i lavozimlarida ishlagan.
Shuningdek, IIV tizimidagi yana bir qator mansabdorlar bo‘shatilgan. Xususan, IIV Qorovul qo‘shinlari qo‘mondoni general-mayor Dmitriy Pan ham lavozimidan ozod etilgan.
Izoh (0)