Toshkent metrosi uchun olib kelingan Rossiyaning “Metrovagonmash” kompaniyasi tomonidan ishlab chiqarilgan yangi poyezdlar 21-noyabr, payshanba kuni ishga tushdi. Poyezdlar “O‘zbekiston” yo‘nalishida bir necha qatnovni amalga oshirgan. “Daryo” fotomuxbiri ushbu metropoyezd suratlarini to‘plab, taqdim etdi.

Foto: “Daryo”

Har bir poyezd sostavi to‘rtta vagondan tashkil topgan: ikkita asosiy motorli va biri motorli va biri motorsiz ikkita oraliq vagon. Yo‘lovchilar butun sostav bo‘ylab bemalol harakatlanishi uchun vagonlar o‘rtasida o‘tish joyi mavjud.

Foto: “Daryo”

Foto: “Daryo”

Yaxshi shovqin izolyatsiyasi va zamonaviy texnologiyalar qo‘llangani hisobiga poyezdlar harakati juda tekis va shovqinsiz bo‘ladi.

Foto: “Daryo”

Eshiklar ustidagi yorug‘lik diodli panellar harakat yo‘nalishini ko‘rsatadi va bekatlar nomini aks ettiradi.

Foto: “Daryo”

Bundan tashqari vagonlarda metropoliten kartasi joylashtirilgan sensorli ekran mavjud bo‘lib, zarurat tug‘ilganda yo‘lovchilar metropoliten sxemasini o‘rganishi, kerakli bekatni topishi, harakat yo‘nalishini tuzishi, yo‘lga ketadigan vaqtni hisoblashi va boshqa foydali ma’lumotlarga ega bo‘lishi mumkin.

Foto: “Daryo”

Poyezdlarda haroratni nazorat qilish tizimi o‘rnatilgan va derazalardagi maxsus shisha paketlar salonda optimal haroratni saqlashga imkon beradi. Vagonlarda videokuzatuv va yong‘in signalizatsiyasi datchiklari mavjud.

Foto: “Daryo”

Foto: “Daryo”

Foto: “Daryo”

Poyezdlarning besh xil yoritish ranglari yer ostidagi va ustidagi harakatga bog‘liq ravishda avtomatik tarzda sovuq oq rangdan issiq sariq ranggacha sozlanadi.

Foto: “Daryo”

Foto: “Daryo”

Shuningdek, ertalab yo‘lovchilarni tetiklashtirish uchun sovuq, biroq yorqin rangli yoritish rejimini yoqish rejalashtirilmoqda. Kechqurunga yaqin esa yoritish rejimi sekinlik bilan tinchlantiruvchi issiq sariq rangga o‘tadi.

Foto: “Daryo”

Foto: “Daryo”

Foto: “Daryo”

Foto: “Daryo”

Foto: “Daryo”

Foto: “Daryo”

Foto: “Daryo”

Foto: “Daryo”

Foto: “Daryo”