“Yuksalish” umummilliy harakati 18-noyabr – “O‘zbekiston Respublikasining Davlat bayrog‘i to‘g‘risida”gi Qonun qabul qilingan kun munosabati bilan dunyodagi eng baland flagshtoklar reytingini tuzdi. Bu haqda harakatning Telegram kanalida xabar berildi.
15 ta shahardagi eng ulkan bayroqlar reytingida Xorazm viloyatining Urganch shahrida o‘rnatilgan O‘zbekiston bayrog‘i 15-o‘rinni egalladi.
Reytingning birinchi o‘rnini Saudiya Arabistoni Jidda shahridagi uzunligi 170 metr bo‘lgan bayroq, ikkinchi o‘rnini Tojikistonning Dushanbe shahridagi 165 metrlik bayroq, uchinchi o‘rinni esa Ozarbayjonning Boku shahridagi 162 metrlik bayroq egalladi.
Bu kabi flagshtoklar O‘zbekistonning boshqa hududlarida ham o‘rnatilgan. Xususan, Sirdaryo viloyatida (65 metr), Toshkent shahrida (65 metr), Buxoro viloyatida (60 metr), Qoraqalpog‘iston Respublikasi (55 metr).
Izoh (0)