Yevropa Chempionati—2020 saralash bosqichining 10-turidan o‘rin olgan 19-noyabr, seshanba kunidagi uchrashuvlar o‘z yakuniga yetdi.
Rossiya terma jamoasi San-Marino maydoniga safar qildi va yirik hisobdagi g‘alabani qo‘lga kiritdi. Ruslar safida Daler Kuzyayev, Sergey Petrov, Aleksey Miranchuk, Aleksey Ionov va Nikolay Komlichenko o‘z hisobiga gol yozdirib qo‘ydi.
Shotlandiya termasi Qozog‘iston ustidan irodali g‘alabani qo‘lga kiritgan bo‘lsa, Belgiya Kiprni tor-mor keltirdi. Dastlab kiprliklar Nikolas Ioannuning golidan keyin oldinga o‘tib oldi, biroq “qizil iblislar” bunga Kristian Benteke va Kevin de Bryuynening dubli hamda Ferreyra Karraskoning aniq zarbasi bilan javob qaytardi.
Niderlandiya terma jamoasi o‘zida Estoniyani qabul qilib, javobsiz beshta gol urishga erishdi. Uchrashuvda Jorjinyo Veynaldum het-trik qayd etdi, shuningdek, Natan Ake va Miron Boadyu ham o‘yinni golsiz tark etmadi.
Germaniya esa Shimoliy Irlandiya bilan bahs olib bordi. Dastlab o‘z darvozasidan to‘p olib chiqqan nemislar keyinchalik raqib darvozasini olti bor ishg‘ol qilishga erishdi. Serj Gnabri het-trikka erishgan bo‘lsa, Leon Goretska dubl qayd etdi. Yana bir golga Yulian Brandt muallif bo‘ldi.
Polsha terma jamoasi so‘nggi daqiqalardagi gol evziga Sloveniyani taslim etdi. Uels esa Aaron Remzining ikkita goli hisobiga Vengriyani mag‘lub etdi va Yevropa Chempionatiga yo‘llanmani qo‘lga kiritdi.
Yevro—2020 saralashi
10-tur bahslari
19-noyabr, seshanba
San-Marino – Rossiya 0:5
Gollar: 0:1 – 3 Kuzyayev, 0:2 – 19 Petrov, 0:3 – 49 Miranchuk, 0:4 – 56 Ionov, 0:5 – 78 Komlichenko.Shotlandiya — Qozog‘iston 3:1
Gollar: 0:1 – 34 Zaynutdinov, 1:1 – 48 Makginn, 2:1 – 64 Neysmit, 3:1 – 90 Makginn.Belgiya — Kipr 6:1
Gollar: 0:1 – 14 Ioannu, 1:1 – 16 Benteke, 2:1 – 35 de Bryuyne, 3:1 – 41 de Bryuyne, 4:1 – 44 Ferreyra Karrasko, 5:1 – 51, avtogol Xristoforu, 6:1 – 67 Benteke.Slovakiya — Ozarbayjon 2:0
Gollar: 1:0 – 19 Bojenik, 2:0 – 86 Gamshik.Niderlandiya — Estoniya 5:0
Gollar: 1:0 – 6 Veynaldum, 2:0 – 18 Ake, 3:0 – 66 Veynaldum, 4:0 – 78 Veynaldum, 5:0 – 87 Boadyu.Germaniya — Shimoliy Irlandiya 6:1
Gollar: 0:1 – 7 Smit, 1:1 – 19 Gnabri, 2:1 – 43 Goretska, 3:1 – 47 Gnabri, 4:1 – 60 Gnabri, 5:1 – 73 Goretska, 6:1 – 90 Brandt.Polsha — Sloveniya 3:2
Gollar: 1:0 – 3 Shimanski, 1:1 – 14 Matavj, 2:1 – 54 Levandovski, 2:2 – 61 Ilichich, 3:2 – 81 Guralski.Latviya — Avstriya 1:0
Gol: 1:0 – 65 Oshs.Uels — Vengriya 2:0
Gollar: 1:0 – 15 Remzi, 2:0 – 47 Remzi.Makedoniya — Isroil 1:0
Gol: 1:0 – 45 Nikolov.Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!
Izoh (0)