Davlat statistika qo‘mitasi 2019-yilning yanvar-oktabr oylari uchun O‘zbekistonning tashqi savdo aylanmasi haqida ma’lumot berdi.
Qayd etilishicha, O‘zbekiston joriy yilning yanvar-oktabr oylarida 2018-yilning shu davriga nisbatan oltin eksportini 2,6 baravarga oshirdi.
Mamlakat bu davrda 4,04 milliard dollarlik oltin eksport qildi.
Shu bilan birga, eksport tarkibida oltinning ulushi 27,3 foizni tashkil etdi.
2019-yilning yanvar-oktabr oylarida eksport qilingan tovarlar va xizmatlar tarkibining tahlili shuni ko‘rsatmoqdaki, tovarlar va xizmatlar tarkibida o‘tgan yilning shu davriga nisbatan sezilarli o‘zgarishlar qayd etilmadi, biroq shuni ta’kidlash joizki, o‘tgan yilning mos davriga nisbatan kimyo mahsulotlari va buyumlaridan tashqari tovar va xizmatlar tarkibi turlarini eksport qilish hajmlarining o‘sishi kuzatildi, deyiladi xabarda.
Izoh (0)