“Manchester Yunayted” sobiq bosh murabbiyi Joze Mourinyo “Tottenhem” boshqaruviga tayinlandi. Bu haqida londonliklar rasmiy saytida ma’lum qilindi.
Portugaliyalik mutaxassis “shporlar” bilan 2023-yilning yoziga qadar mo‘ljallangan shartnoma imzolagan. Mourinyo “Tottenhem”da Maurisio Pochettinoning o‘rnini egalladi.
Avvalroq “Tottenhem” argentinalik mutaxassisni iste’foga chiqargandi. “Tottenhem” Angliya chempionati 12-turidan keyin 14-pog‘onani egallab turibdi.
Eslatib o‘tamiz, Mourinyo avvalroq “Manchester Yunayted”, “Chelsi”, “Real Madrid” va “Portu” jamoalarida faoliyat yuritgan.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!
Izoh (0)