Italiyada uy hayvonlarining huquqlarini oshirish bo‘yicha qonun loyihasi ko‘rib chiqilishi mumkin. Bu haqda Italiyaning Giornale agentligi xabar bergan.
Mavzuga doir:
Mavzuga doir: Turkmanistonda daydi itlar va mushuklar yo‘q qilinmoqda
Norma Italiya fuqarolik kodeksiga kiritilsa, uy hayvoni egasi jonivorning munosib hayot kechirishi uchun sharoit yaratib berish majburiyatini o‘z zimmasiga oladi. Shu tariqa er-xotin ajrashadigan bo‘lsa, uy hayvonining kim bilan qolishi masalasi ham sud qaroriga muvofiq hal etiladi. Itlar oilaning boshqa a’zolari bilan cherkov va boshqa jamoat joylariga borishi mumkin, nafaqaga chiqqan politsiyachi-itlar esa o‘rnatilgan tartib bo‘yicha pensiya puli oladi. Shuningdek, qonun loyihasida uy hayvonining o‘z egasidan uzoqlashishi masalasiga ham oydinlik kiritilgan: hayvonning egasi vafot etsa, u marhumning qarindoshlari ixtiyorida qoldiriladi.
Italiyada uy hayvonlariga nisbatan yomon munosabatda bo‘lgan fuqarolarga katta miqdordagi jarima va boshqa keskin ma’muriy jazo choralari ko‘riladi. Hukumat itlarni jamoat transportiga olib chiqish bo‘yicha imtiyozlar joriy etmoqda, mamlakatda hayvonlar uchun mehmonxona va itlar uchun plyajlar qurilmoqda.
Izoh (0)