Ijtimoiy tarmoqlar XIX asrga oid suratda BMTda hayajonli nutq so‘zlab katta shov-shuv ko‘targan 16 yoshli shvetsiyalik maktab o‘quvchisi Greta Tunbergga o‘xshash qizning borligi ekologiya faolining yanada mashhur bo‘lishiga hissa qo‘shdi. Bu haqda “Izvestiya” xabar berdi.
AQShdagi Vashington universitetida saqlanayotgan surat 1898-yilda Kanadada olingan. Fotosuratda oltin izlash ishlari bilan shug‘ullanayotgan uchta bolakay tasvirlangan.
Fotoning old planidagi qizaloqning ko‘rinishi Greta Tunbergga o‘xshab ketadi, shu sababli ham ijtimoiy tarmoqlarda mavzuga oid ko‘plab hazillar tarqaldi.
Foydalanuvchilar tomonidan surat ostidagi izohlarda ekologiya faolining zamonlar osha sayohat qiluvchi qiz ekani va dunyoni kelajakda kutayotgan tabiat fojialaridan ogohlantirayotgani haqida hazil gaplar yozilgan.
Izoh (0)