O‘zbekiston bosh prokuror o‘rinbosari Svetlana Ortiqova Farg‘ona vodiysi viloyatlarida bo‘lib o‘tgan sayyor qabullar davomida nogironligi bo‘lgan shaxslar holidan xabar oldi, ular uchun zarur bo‘lgan nogironlar aravachalarini topshirdi. Bu haqda Bosh prokuratura “Daryo”ga ma’lum qildi.
Bosh prokuror o‘rinbosari Svetlan Ortiqova tomonidan joriy yilning 11—16-noyabr kunlari Namangan, Andijon va Farg‘ona viloyatlarida aholi bilan sayyor qabullar o‘tkazildi.
Sayyor qabullar davomida jami 283 nafar fuqaroning murojaatlari qabul qilindi. Murojaatlarning 85 tasi sud masalalari, 50 tasi prokuratura, 57 tasi ichki ishlar ish yurituviga hamda 91 tasi boshqa masalalarga oid murojaatni tashkil etgan.
Ushbu murojaatlarning ijrosi bosh prokuratura tomonidan nazoratga olingan. Bu boradagi ishlar davom etmoqda.
Eslatib o‘tamiz, O‘zbekiston Prezidentning 2019-yil 7-noyabrdagi farmoniga asosan Svetlana Ortiqova O‘zbekiston Respublikasi bosh prokurorining o‘rinbosari lavozimiga tayinlangan edi. Unga qadar Svetlana Ortiqova O‘zbekiston Senati raisi o‘rinbosari lavozimida ishlab kelgan.
Izoh (0)