“O‘ztemiryo‘lyo‘lovchi” AJ texnik nosozlik tufayli “Buxoro—Toshkent” yo‘nalishidagi poyezd qisqa muddatga to‘xtab qolgani uchun yo‘lovchilardan uzr so‘radi, deb xabar beradi “O‘zbekiston temir yo‘llari.
14-noyabr kuni soat 18:55 da “Buxoro–Toshkent” yo‘nalishida harakatlanayotgan 9-sonli “Sharq” poyezdi “Jomboy” stantsiyasida texnik nosozlik tufayli to‘xtadi.
Elektrovozda kuzatilgan nosozlik qisqa muddatda bartaraf qilinib, poyezd o‘z yo‘nalishida harakatini davom ettirgan.
Mavzuga doir: Yaponiya temiryo‘l kompaniyasi poyezdning jadvaldagi vaqtdan 20 soniya oldin jo‘nab ketgani uchun uzr so‘radi
Eslatib o‘tamiz, avvalroq ijtimoiy tarmoqlarda 369-sonli “Novosibirsk—Toshkent” yo‘nalishida harakatlanayotgan yo‘lovchi poyezdi vagon kuzatuvchisi va yo‘lovchi o‘rtasidagi audioyozuv tarqalgan edi. Unda Rossiyada ishlab qaytayotgan O‘zbekiston fuqarolaridan “chegaradan bosh og‘riqsiz o‘tkazib qo‘yish” uchun pul yig‘ilayotgani aytilgan.