14-noyabr kuni soat 03:50 da Jizzax viloyati Paxtakor tumanida Cobalt avtomobili MAN yuk mashinasining tirkamasiga urilib, YTH sodir etdi. Bu haqda Bosh prokuratura matbuot xizmati “Daryo”ga ma’lum qildi.
“Toshkent—Termiz” M-39 yo‘lining 956 kilometrida sodir bo‘lgan yo‘l-transport hodisasida Cobalt avtomashinasida yong‘in kelib chiqqan.
Yong‘in oqibati Cobalt ichida bo‘lgan 32 yoshli yo‘lovchi voqea joyida halok bo‘lgan. 2016-yilda tug‘ilgan yana bir yo‘lovchi esa shifoxonada vafot etgan.
Mazkur holat yuzasidan IIB tomonidan Jinoyat kodeksining 266-modda (“Transport vositalari harakati yoki ulardan foydalanish xavfsizligi qoidalarini buzish”) 3-qismi bilan jinoyat ishi qo‘zg‘atilgan.
Izoh (0)