O‘zbekiston xurmo eksporti bo‘yicha dunyoning yetakchi uchligidagi o‘rnini yo‘qotdi

O‘zbekiston 2018-yil yakuniga ko‘ra xurmo eksporti bo‘yicha dunyoning yetakchi uchligidagi o‘z o‘rnini yo‘qotib, uni Xitoyga bo‘shatib berdi.

EastFruit tahlilchilari ma’lumotiga ko‘ra, yil davomida O‘zbekistondan xurmo eksporti 55 ming tonnani tashkil etdi, bu 2017-yilga nisbatan 18 ming tonnaga kam. Xitoy xurmo eksporti hajmini kamaytirganiga qaramay, eksport reytingida O‘zbekistonni ortda qoldirdi.

O‘zbekistonning deyarli barcha xurmosi Qozog‘iston va Rossiya bozorlariga yetkazib berilgan. Nisbatan kamroq hajmda Turkmaniston va Qirg‘izistonga ham eksport qilingan. Biroq savdo manbalariga ko‘ra, Qirg‘iziston va Qozog‘istonga yetkazib berilgan O‘zbekiston xurmosining katta qismi keyinchalik Rossiya bozoriga qayta eksport qilingan.Shu bilan birga, O‘zbekistondan Belarus va Ukrainaga xurmo yetkazib berish hajmi sezilarli darajada o‘sgani qayd etilgan. Belarusga eksport 3 baravardan oshib, 763 tonna, Ukrainaga esa ikki baravarga ko‘payib, 593 tonnani tashkil etigan. O‘zbekiston xurmosining sinov partiyasi BAA bozoriga ham sotuvga chiqarilgan.

Ispaniya va Ozarbayjon dunyoda xurmo eksporti bo‘yicha yetakchi bo‘ldi, bu davlatlar 2018-yilda mos ravishda 168,3 ming tonna va 150,9 ming tonna mahsulot eksport qilgan. Xurmo eksporti bo‘yicha yetakchilik qilgan 20 ta davlatlar qatoridan, shuningdek, Gruziya, Tojikiston va Armaniston ham o‘rin olgan.