Qirg‘izistonda kafe yonishi oqibatida bir nafar odam halok bo‘lgani tufayli ovqatlanish shoxobchasini ijaraga olgan fuqaro huquq-tartibot organlari tomonidan hibsga olingan. Bu haqda “Regnum” xabar tarqatdi.
“Antoshka” kafesini ijaraga olgan 56 yoshli erkak binoda yuz bergan yong‘inda bir nafar odamning halok bo‘lgani va yana 15 nafar fuqaroning turli tan jarohatlari olgani tufayli tergov-surishtiruv ishlari doirasida qamoqqa olingan. Ijarachiga nisbatan yong‘in xavfsizligi qoidalariga amal qilmaganlik yuzasidan jinoiy ish ochilgan.
8-noyarbda Bishkek shahri markazidagi Qirg‘iziston prezidenti administratsiyasi va parlament binosidan 300 metr uzoqlikdagi kafeda portlash yuz bergan. Yong‘in oqibatida kafeda ishlovchi ayol halok bo‘lgan va 15 nafar odam, jumladan yetti nafar bola turli darajada kuyib, jarohatlar olgan.
Taxminlarga ko‘ra portlashga kafe oshxonasida ishlatiladigan gaz ballonlardan biridan gazning sizib chiqishi sabab bo‘lgan.
Qirg‘iziston bosh vaziri Muhammadkaliy Abulgaziyev Bishkekdagi kafeda yuz bergan portlash va yong‘in bo‘yicha vaziyatni o‘z nazoratiga olgan.
Izoh (0)