Hindiston bosh vaziri Narendra Modi hindistonlik sikh ziyoratchilari uchun Kartarpur yo‘lagi tashkil qilingani uchun Pokistondagi hamkasbi Imron Xonga minnatdorligini izhor qildi. Bu haqda “Regnum” xabar berdi.
“Pokiston bosh vaziri Imron Xonga hind xalqi jamiyatlarining kayfiyatini tushungani uchun minnatdorlik bildiraman. Qisqa vaqt ichida ushbu yo‘lakning tashkil qilganligi uchun Pokiston hukumati vakillariga ham tashakkur”, — deydi Modi.
Hindiston va Pokiston o‘rtasidagi munosabatlar chigal ekaniga qaramay, so‘nggi yillarda tomonlar eski gina-kudratlarni unutib, nizolarni tinchlik yo‘li bilan hal etishga urinib kelmoqda.
Izoh (0)