10—13-noyabr kunlari O‘zbekiston tashqi ishlar vaziri Abdulaziz Komilov boshchiligidagi delegatsiya “O‘zbekiston—Yevroittifoq” Hamkorlik kengashining 15-yig‘ilishida ishtirok etish uchun Bryussel shahriga (Belgiya) tashrif buyuradi. Bu haqda TIV matbuot xizmati xabar berdi.

Foto: GTN

Tashrif dasturida Yevropa komissiyasi, Yevropa Ittifoqi parlamenti va boshqa organlari rahbarlari bilan ikki tomonlama uchrashuv va muzokaralar o‘tkazish ham ko‘zda tutilgan.

Eslatib o‘tamiz, Toshkent joriy yilning 28-sentabrga qadar O‘zbekiston va Yevropa Ittifoqi o‘rtasida Sherikchilik va hamkorlikni kengaytirish to‘g‘risidagi bitim (ShHKB) loyihasi bo‘yicha muzokaralarning 3-raundiga mezbonlik qilgan edi.