Toshkent shahar bojxona boshqarmasining “Bosh pochtampt” tashqi iqtisodiy faoliyat bojxona posti xodimlari tomonidan pochta jo‘natmalari orqali qonunga xilof ravishda tarkibida psixotrop moddalar mavjud bo‘lgan dori vositalari hamda narkotik moddalarni O‘zbekistonga kirishining oldi olindi. Bu haqda Davlat bojxona qo‘mitasi matbuot xizmati xabar berdi.
X.N., T.A. va A.F. ismli fuqarolar nomiga xorijdan yuborilgan pochta jo‘natmalari bojxona nazoratidan o‘tkazilganida, bojxona deklaratsiyasida ko‘rsatilmagan, tarkibida psixotrop moddalari mavjud bo‘lgan 150 dona dori vositalari borligi aniqlangan.
Shuningdek, fuqaro U.T. nomiga yuborilgan pochta jo‘natmasida 5 dona marixuana o‘simligining urug‘lari borligi ham ma’lum bo‘lgan.
Hozirda mazkur holatlar yuzasidan bojxona organlari tomonidan surishtiruv harakatlari davom ettirilmoqda.
Mavzuga doir:
- Bojxonachilar 1,2 mlrd so‘mlik gazlamalarning hujjatlari soxtalashtirilganini aniqladi
- Qoraqalpog‘istonda yo‘lovchi 33 million so‘mlik viskilarni chegaradan yashirincha olib o‘tmoqchi bo‘ldi
- Tojikistondan 13,7 mln so‘mlik zargarlik buyumlarini oyoq kiyimida O‘zbekistonga olib o‘tmoqchi bo‘lgan shaxs to‘xtatib qolindi
Izoh (0)