Ozarbayjon tashqi ishlar vazirligi Rossiyaning mamlakatdagi elchisi Mixail Bocharnikovni chaqirib, norozilik notasini topshirdi. Bu haqda “Interfaks” xabar bermoqda.
Rossiya echisiga Tog‘li Qorabog‘ respublikasi tashqi ishlar vaziri Masis Mailyan va madaniyat vaziri Lernik Ovanisyanning noyabr oyi boshida Moskvaga tashrifi yuzasidan norozilik bildirilgan.
Notada qayd etilishicha, Ozarbayjonning bosib olingan hududlarida tashkil etilgan noqonuniy tuzilma vakillarining Rossiyaga borishi va bu yerda qator ekspertlar bilan uchrashishi Armanistonning qariyb 30 yildan beri okkupatsiya qilingan hududlarga qonuniy maqom berish va Ozarbayjon yerlarini bosib olishda davom etishiga ko‘maklashadi.
Izoh (0)