Navoiy shahar Mahmud Tarobiy ko‘chasidagi ko‘pqavatli uyning 4-qavatidagi oshxonasida 7-noyabr kuni yong‘in yuz berdi. Davlat yong‘in xavfsizligi xizmatining “Daryo”ga ma’lum qilishicha, hodisa haqida yong‘in-qutqaruv xizmatiga soat 08:47 da xabar kelib tushgan.
Voqea joyiga 1 ta qutqaruv va 2 ta o‘t o‘chirish texnikalari soat 08:51 yetib borgan. Yong‘in o‘chirish avtonarvoni 4 qavatga o‘rnatilib, maxsus gidravlik qaychi yordamida temir panjarani kesib alanga ichida qolgan 4 yoshli bola yong‘in qutqaruvchilari X.Haqberdiyev, G‘.Rajabov va FVB qutqaruvchilari B.Elmurodov, F.Xalimovlar tomonidan qutqarilgan.
Ko‘rilgan tezkor harakatlar natijasida yong‘in soat 08:56 da to‘liq o‘chirilgan va yong‘indan yashash uyining 65 kvadrat metr qismi saqlab qolingan.
Yong‘in kelib chiqish sababi va moddiy zarar aniqlanmoqda.
Bundan avval FVV Surxondaryoda kanalga tushib ketgan “Jiguli” avtomobilini chiqarib, egasiga topshirgani haqida xabar berilgandi.
Izoh (0)