Xalq ta’limi vazirligi axborot xizmati 2019-yilda tizimga qancha mablag‘ ajratilgani haqida ma’lumot berdi.

Foto: “Daryo”

2019-yilda Xalq ta’limi tizimiga davlat budjetidan jami 16,4 trillion so‘m (2018-yilga nisbatan 38,3 foizga ko‘p, 11,8 trillion so‘m) ajratilgan bo‘lib, jami davlat budjeti xarajatlarining 15,2 foizini (2018-yilda 17,1 foiz) tashkil etadi.

Jumladan, ish haqi va unga tenglashtirilgan (I guruh) to‘lovlarga 12,2 trillion so‘m (o‘tgan yilga nisbatan 37,0 foizga ko‘p), yagona ijtimoiy to‘lov (II guruh) xarajatlariga 3,03 trillion so‘m (o‘tgan yilga nisbatan 43,0 foizga ko‘p) hamda boshqa (IV guruh) xarajatlarga 1,2 trillion so‘m (o‘tgan yilga nisbatan 16,0 foizga ko‘p) ajratilgan.

Shuningdek, joriy yilning 9 oyi mobaynida jami 13,4 trillion so‘m ajratilib, ijrosi 13,2 trillion so‘mni (98,4 foiz) tashkil etgan.

Jumladan, ish haqi va unga tenglashtirilgan (I guruh) to‘lovlarga 9,9 trillion so‘m ajratilib, ijrosi 9,8 trillion so‘mga, ya’ni 99,1 foizga bajarilgan.

Yagona ijtimoiy to‘lov (II guruh) xarajatlariga 2,5 trillion so‘m ajratilib, ijrosi 2,4 trillion so‘mga yoki 95,7 foizga bajarilgan.

Boshqa (IV guruh) xarajatlarga 926,8 milliard so‘m ajratilib, ijrosi 914,8 milliard so‘mga yoki 98,7 foizga bajarilgan.