Qashqadaryo viloyat hokimi vazifasini bajaruvchi Zoir Mirzayev boshchiligidagi ishchi guruh 5-noyabr, seshanba kuni kutilmaganda Qarshi shahar hokimligi huzuridagi Obodonlashtirish bosh boshqarmasi binosiga kirib bordi. Bu haqda viloyat hokimligi matbuot xizmati xabar berdi.
Xabar berilishicha, Zoir Mirzayev shahar obodligini mazkur boshqarmadan boshlash kerakligini, o‘zi “obodonlashtirishga muhtoj” bo‘lgan tashkilot shaharga kerak emasligini aytgan.
Boshqarma rahbariyatiga kamchiliklarni bartaraf etish uchun bir hafta muddat belgilandi. Ham boshqarma binosi, ham shahar obodligiga qarab xulosa qilinishi alohida ta’kidlandi.
Izoh (0)