Turkmaniston prezidenti Gurbanguli Berdimuhamedov 4-noyabr, dushanba kuni viloyatlar hokimlari bilan videoselektor yig‘ilishi o‘tkazgan. Videoselektorda prezidentning o‘g‘li va Axal viloyati hokimi Serdar Berdimuhamedov o‘zi rahbarlik qilayotgan hududda paxta rejasining bajarilganligini ma’lum qilgan, deb yozmoqda “Xronika Turkmenistana”.
Nashrning yozishicha, Axal viloyati hokimi hisoboti davomida paxta dalasida hali ham hosil borligi va terimning davom etayotganini ma’lum qilgan.
Prezident viloyat rahbariyatiga Axalda hosil bayramini tashkil etish va tantana davomida o‘zini ko‘rsatgan paxtakorlarni munosib rag‘batlantirish haqida topshiriq bergan.
Axal viloyatida reja bo‘yicha 207 ming tonna paxta terib olish belgilangan, Turkmanistondagi umumiy reja esa – 1 million 50 ming tonna.
Mavzuga doir: Turkmanistonda davlat muassasalari xodimlari paxta terimi uchun pul berishni istamagani uchun ishdan bo‘shamoqda
Izoh (0)