Tojikiston ikki tomonlama shartnomalar asosida 300 gektar yerni O‘zbekistonga bermoqda. Chegaralarning delimitatsiyasi borasidagi bitim ikki mamlakat o‘rtasidagi bahsga yakun yasashi mumkin, deb xabar beradi Faraj nashri.
Faraj nashri o‘z manbalaridan birga tayanib, ma’lum qilishicha, O‘zbekistonga berilishi kerak bo‘lgan 300 gektar yerda oltin koni mavjud va ikki tomonlama komissiyaga demarkatsiya jarayonlarini yakunlash uchun 10 kun kerak bo‘ladi.
So‘g‘d viloyati Yer ishlari qo‘mitasi rahbari Jamshid Umarzodaning so‘zlariga ko‘ra, hozirda bu masala ko‘rib chiqilmoqda va faqat Tojikiston hukumati ushbu mavzu bo‘yicha izoh bera oladi.
Ta’kidlash kerakki, O‘zbekistonga beriladigan yer Mastchoh tumanida, Obi Shifo posyolkasi yaqinida joylashgan. Tojikiston va Kanada kompaniyalari bu yerdagi “Aprelevka” oltin shaxtasidan uzoq yillardan beri foydalanib keladi.
Izoh (0)