Oq uyning 4 nafar mansabdori prezident Donald Tramp impichmenti bo‘yicha tekshiruv doirasida Kongressda ko‘rsatma berishdan bosh tortdi. Bu haqda “Korrespondent.net” xabar bermoqda.
Trampning Ukraina prezidenti Vladimir Zelenskiyga ehtimoliy bosimi yuzasidan Milliy xavfsizlik kengashi bosh yuristi Jon Ayzenberg, shuningdek, ma’muriy budjet boshqarmasining uch nafar xodimi ko‘rsatma berishi ko‘zda tutilgandi.
Demokratlar, xususan, Tramp va Zelenskiy o‘rtasida joriy yil 25-iyul kuni bo‘lib o‘tgan telefon orqali muloqotda ishtirok etgan Ayzenbergning ma’lumotlariga o‘ta katta qiziqish bildirgan edi.
Aytishlaricha, Milliy xavfsizlik kengashi bosh yuristi telefon suhbati yozuvini Oq uyning eng maxfiy kompyuter tizimiga kiritib qo‘ygan.
Izoh (0)