Samarqand viloyati hokimi Erkinjon Turdimov viloyatdagi maktab direktorlariga murojaat qilib, o‘quvchilardan pul yig‘ilishini tanqid qildi, deb xabar beradi Zarnews.
Hokim maktabdagi har qanday muammoni, avvalo, viloyat imkoniyati va mutasaddi tashkilotlar hamkorligida hal qilish lozimligi ta’kidlagan. Shuningdek, u o‘z nutqida maktablarda yolg‘on ma’lumotlar asosida turli bahonalar bilan pul yig‘ish kabi ishlar hali hamon davom etayotganini tanqid ostiga olgan.
“Haliyam bizda ahmoqona ishlar davom etmoqda. Hokimning nomidan foydalanib, teatr yoki boshqa masalada pul yig‘ilmoqda. Hech kim odamlardan majburiy pul yig‘masligi kerak. Bunaqa holat Samarqand shahrida davom etmoqda… Maktab direktorlari o‘z maktabini tartibga olishi va, albatta, o‘zining maktabi bo‘yicha rahbarlardan talab qilishni o‘rganishi kerak”, — deydi viloyat hokimi.
Izoh (0)