“Bavariya” bosh murabbiyi Niko Kovach egallab turgan lavozimini tark etdi. Bu haqida myunxenliklar klubi rasmiy saytida ma’lum qilindi.
Bayonotda ta’kidlanishicha, tomonlar o‘zaro kelishuvga ko‘ra shartnomani bekor qilgan.
“Bavariya” Bundesliga 10-turidan o‘rin olgan bahsda “Ayntraxt”ga 1:5 hisobida yutqazib qo‘ygandi. Ayni damda jamoa 18 ochko bilan chempionatda 4-o‘rinda bormoqda.
Kovach Myunxen klubi safiga 2018-yilda “Ayntraxt”dan kelgandi. Uning qo‘l ostida jamoa chempionat, Germaniya Kubogi va Superkubogini yutib oldi.
Avvalroq “Bavariya” Kovachga o‘rinbosar sifatida Massimiliano Allegrini ko‘rayotgani xabar qilingandi.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!
Izoh (0)