BMTning Oziq-ovqat va qishloq xo‘jaligi tashkiloti (FAO) va Shanxay hamkorlik tashkiloti 2-noyabr kuni Toshkentda oziq-ovqat xavfsizligini ta’minlash va barqaror rivojlanish sohasida hamkorlikni nazarda tutuvchi hamkorlik memorandumini imzoladi, deya xabar bermoqda “Gazeta.uz”.
Hujjat Shanxay hamkorlik tashkiloti (ShHT)ga a’zo mamlakatlar Hukumat rahbarlari kengashining 18-majlisi doirasida ShHT bosh kotibi Vladimir Norov hamda FAOning bosh direktori o‘rinbosari va Yevropa va Markaziy Osiyo bo‘yicha mintaqaviy vakili Vladimir Rahmanin tomonidan imzolangan.
“Har ikki tashkilot faol o‘rin tutadigan oziq-ovqat xavfsizligi, qishloq xo‘jaligi va ekologik barqarorlik kabi butunli boshli sohalar bor. Memorandumning imzolanishi — Barqaror rivojlanish sohasidagi Maqsadlarga erishish yo‘lida yanada mustahkam aloqalar o‘rnatish va birgalikda ish olib borish yo‘lida dadil qadamdir. Barqaror kelajakni qurish — barcha birgalikda, hamfikrlik bilan harakat qilishi lozim bo‘lgan kompleks vazifadir”, — dedi Rahmanin.“ShHT ochlik va to‘yib ovqat yemaslikka qarshi kurash, shuningdek, oziq-ovqat xavfsizligini ta’minlashdagi FAOning o‘rnini yuksak baholaydi. Insoniyatning qariyb yarmi yashaydigan bizning mamlakatlarimiz uchun bu — FAOning ekpertizasi va tajribasidan foydalanish imkoniyatidir”, — deya qayd etib o‘tdi Vladimir Norov.
Memorandum doirasida tomonlar o‘zaro axborot almashish, oziq-ovqat xavfsizligi va barqaror rivojlanish sohasidagi tadqiqot va tajribalarning natijalarini baham ko‘rishga kelishib oldi. Kelishuv iqlim o‘zgarish oqibatlarini yumshatish, tabiiy resurslarni barqaror boshqarish, qishloq xo‘jaligini raqamlashtirish bo‘yicha hamkorlikda faoliyat olib borish hamda qishloq xo‘jaligi va oziq-ovqat bozorlari bo‘yicha birgalikda tadqiqotlar o‘tkazishni ham nazarda tutadi. Fitosanitariya va veterinariya xavfsizligi, shahar sharoitlarida sog‘lom ovqatlanish ratsionlarini qo‘llab-quvvatlash, shuningdek, Janub-Janub hamkorligiga ko‘mak ko‘rsatish masalalari o‘zaro manfaatli sohalar sifatida ko‘rsatib o‘tilgan.
Mavzuga doir:
- Belarus ShHT doirasida yadroviy xavfsizlik bo‘yicha muntazam uchrashuvlar o‘tkazishni taklif qildi
- Afg‘onistonning terrorchilikka qarshi kurash bo‘yicha taklifiga javoban Medvedev maxsus xizmatlarning ShHT doirasidagi hamkorligini kuchaytirish zarurligini ta’kidladi
- ShHTga a’zo mamlakatlar Toshkentda 14 ta hujjat imzoladi
Izoh (0)