Angrenda Gulnoza ismli 25 yoshli ayol 1999-yilda tug‘ilgan Zuhriddin ismli tanishini o‘ldirib qo‘ydi. Bu haqda MY5 telekanalining “Markaziy studiya” axborot dasturida xabar berildi.
“Ayblanuvchi Gulnoza Isroilova o‘z xonadonida ba’zida tirikchilik maqsadida sartaroshlik qilib turgan. 25-oktabr kuni tunda 1994-yilda tug‘ilgan ayol 20 yoshli yigiti bilan Angren shahar 5/5 dahasida joylashgan uyiga borgan. Biroz tortishuvli suhbatdan so‘ng, o‘rtalarida o‘zaro janjal kelib chiqadi va Gulnoza oshxona pichog‘i bilan Zuhriddinning yuragiga bir marotaba sanchib, uni qasddan o‘ldirgan. Soat tungi 02:30 lar edi. Bu ham yetmaganidek, Gulnoza Angren shahar IIBga qo‘ng‘iroq qilib, Zuhriddinni o‘z joniga qasd qildi deya, yolg‘on xabar bergan”, — deyiladi xabarda.
Xabardan so‘ng, tezkor tergov guruhi voqea joyiga yetib borgan va mazkur xonadonning kirish yo‘lagi qismida fuqaro Zuhriddin Abdug‘aniyevning murdasi aniqlangan.
Sodir etilgan holat bo‘yicha Jinoyat kodeksining 97-moddasi (“Qasddan odam o‘ldirish”) 1-qismi bilan jinoyat ishi qo‘zg‘atilgan.
Izoh (0)