Futbol bo‘yicha Angliya Liga Kubogining 4-bosqichi doirasida 30-oktabr, chorshanba kuni 2 ta markaziy o‘yin yakunlandi.
Yurgen Klopp qo‘l ostidagi “Liverpul” “Enfild”da Unai Emeri boshliq Londonning “Arsenal” klubini qabul qildi.
Uchrashuv davomida “to‘pchilar” vakillari Lukas Torreyra (19), Gabriel Martinelli (26, 36), Ensli Meytlend-Naylz (54) hamda Jo Uillok (70) “Liverpul” darvozasini ishg‘ol qilgan bo‘lsa, mezbonlarning gollariga Jeyms Milner (43, penalti), Aleks Oksleyd-Chemberlen (58) va Divok Origi (62, 90) mualliflik qildi. Londonliklar himoaychisi Shkodran Mustafi (6) esa o‘z hisobiga avtogol yozdirib qo‘ydi.
Shu tariqa o‘yinning asosiy vaqti 5:5 hisobidagi durang natija bilan yakunlandi. Penaltilar seriyasida esa “Liverpul” g‘alabani ilib ketdi va musobaqaning keyingi bosqichiga chiqdi (penatilar seriyasi — 5:4).
Frenk Lempard boshqaruvidagi Londonning boshqa bir jamoasi “Chelsi” Ole-Gunnar Sulsher boshchiligidagi “Manchester Yunayted”ga qarshi maydonga tushdi.
Bellashuvda “mankunianlar” hujumchisi Markus Reshford (25—penalti, 73) dublga erishgan bo‘lsa, “aristokratlar”ning yagona goliga Mishi Batshuayi (61) mualliflik qildi.
Natijada “Yunayted” mehmonda kechgan bahsda “Chelsi”ni kichik hisobda taslim etdi (2:1).
Angliya Liga Kubogi
4-bosqich bahlari
30-oktabr, chorshanba
“Liverpul”—“Arsenal” 5:5 (penaltilar seriyasi — 5:4)
Gollar: 1:0 — 6, avtogol Mustafi, 1:1 — 19 Torreyra, 1:2 — 26 Martinelli, 1:3 — 36 Martinelli, 2:3 — 43, penalti Milner, 2:4 — 54 Meytlend-Naylz, 3:4 — 58 Oksleyd-Chemberlen, 4:4 — 62 Origi, 4:5 — 70 Uillok, 5:5 — 90 Origi“Chelsi”—“Manchester Yunayted” 1:2
Gollar: 0:1 — 25, penalti Reshford, 1:1 — 61 Batshuayi, 1:2 — 73 ReshfordYanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!
Izoh (0)