Moskvadan Tojikistonning Ko‘lob shahriga uchayotgan samolyot 30-oktabr kuni Toshkentga favqulodda qo‘ndi. Bu haqda “RIA Novosti” xabar bermoqda.

Foto: Flickr

Qayd etilishicha, “Uralskiye avialinii” kompaniyasiga qarashli samolyot kuchli tuman sababli Toshkent vaqti bilan soat 06:11 da Toshkent aeroportiga favqulodda qo‘nishga majbur bo‘lgan. Samolyot Ko‘lob shahriga soat 07:20 da qo‘nishi kerak bo‘lgan.

“Ayni paytda samolyot zahira polosaga olib chiqilgan va uchib ketishga tayyorgarlik ko‘rmoqda. Yo‘lovchilar samolyot bortida”, — deyiladi xabarda.