Tahririyatimizga kontrakt bo‘yicha harbiy xizmatchi Arslon Sotvoldiyevdan murojaat kelib tushdi. Unda Jurnalistika va ommaviy kommunikatsiyalar universitetidagi harbiy jurnalistika kursidagi muammolarga e’tibor qaratiladi.
Jurnalistika va ommaviy kommunikatsiyalar universitetida joriy yildan O‘zbekiston Prezidenti administratsiyasi rahbarining 2019-yil 12-fevraldagi topshirig‘iga asosan yilda ikki marta harbiy jurnalistika yo‘nalishida to‘rt oylik malaka oshirish kursi faoliyati yo‘lga qo‘yildi.
Malaka oshirish kursining ilk tinglovchilari sifatida aprel—iyul oylarida Qurolli kuchlar tizimlaridagi harbiy matbuot sohasida ishlayotgan 12 nafar (Mudofaa vazirligidan to‘rt nafar, DXXdan ikki nafar, Davlat bojxona qo‘mitasidan to‘rt nafar, IIVdan ikki nafar) harbiy xizmatchi o‘qitildi.
Mana harbiy jurnalistika kursini tamomlaganimizga ham uch oy bo‘libdi, haligacha va’da qilingan diplom va ko‘krak nishonidan darak yo‘q.
Bilishimizcha, vazirliklar hamda universitet o‘rtasida tuzilgan shartnomada pul bilan bog‘liq bo‘lgan muammolar bor. Qonunga asosan, avval shartnomada ko‘rsatilgan pul badalini 15 foizi, ma’lum vaqtdan so‘ng esa qolgani to‘lanar ekan.
Xo‘sh, shartnomada ko‘rsatilgan pul badali to‘liq to‘lanmaguncha bizga diplom va ko‘krak nishoni berilmaydimi?! Balki yil oxirida ikki bitiruv birdan o‘tkazilishi rejalashtirilgandir. Aniqlik bo‘lganda, ancha o‘zimizni xotirjam his qilar edik.
Izoh (0)