Toshkentda moto-mavsumning yopilishiga bag‘ishlangan shou o‘tkazildi (foto)

Mototsikl sayyohlarining 16-yig‘ilishi O‘zbekistonda mototsikl mavsumining yopilishiga to‘g‘ri keldi, deya xabar bermoqda “Daryo” muxbiri Madina Nurman.

Ekstremal va tog‘ turizmi federatsiyasi Toshkent shahar hokimligi va Turizmni rivojlantirish departamenti bilan birgalikda har yili mehribonlik uylari tarbiyalanuvchilari, kam ta’minlangan oila a’zolari, nogironligi bo‘lgan shaxslar va shahar aholisi uchun Toshkentning motojamoalari, havaskorlarning chiqishlarini o‘z ichiga olgan shou tashkil etib keladi.

Bu yilgi tadbirda Qozog‘iston va Tojikiston mototsiklchilari ham ishtirok etdi. Yig‘ilganlarga mototsiklchilar ishtirokidagi tryuklar namoyishidan tashqari “Original mototsikl”, “Eng chiroyli mototsikl”, “Eng yaxshi qo‘lda qayta ishlangan mototsikl” yo‘nalishlarida g‘oliblarni aniqlash uchun tomoshabinlar bilan birga turli tanlovlar ham tashkil etildi.