Rossiyaning “Birinchi kanal” telekanali boshlovchisi o‘zbekistonlik Dilbar Fayziyeva ishdan ketdi. Bu haqda uning o‘zi Instagram’dagi sahifasida ma’lum qildi.
“Qaytmayman — bu haqda sizlarga ma’lum qilish vaqti keldi. Ha, men birinchi kanaldan ketyapman. Bu mening ongli ravishda qabul qilgan qat’iy qarorim. Tonggi efir direksiyasi rahbariyati bilan ijobiy ohangda xayrlashdik. Hech qanday balandparvoz sabablar va bayonotlar yo‘q, hammasi oddiy — hamkorlikni davom ettirish imkoni topilmadi”, — deb yozgan u.
Ma’lumot uchun, o‘z ijodiy faoliyatini Toshkentda muxbirlik va radioboshlovchilikdan boshlagan Dilbar Fayziyeva 2012-yilda Moskvadagi “RIA Novosti” agentligida maxsus muxbir sifatida faoliyatini davom ettirgan. 2013-yilda “Mir24” telekanalida yangiliklar dasturini olib borgan. 2014-yildan boshlab esa qariyb 5 yarim yil davomida “Birinchi kanal”ning “Dobroye utro” dasturida boshlovchilik qilgan.
Izoh (0)