Vladimir Putinning vorisi haqida Kremlda hozircha hech kim bosh qotirayotgani yo‘q. Bu haqda Rossiya yetakchisining matbuot kotibi Dmitriy Peskov ma’lum qildi, deya xabar beradi “TASS”.
“Prezidentlik saylovlarigacha hali ancha vaqt bor. Biz bu jarayonning boshlang‘ich bosqichida turibmiz. Shu sababli uning vorisi haqida hozircha hech kim o‘ylamayapti, barcha qizg‘in ish bilan band”, — dedi Peskov.
Rossiya prezidentining matbuot kotibi shu tariqa teleboshlovchi Dmitriy Kiselyovning Putin go‘yoki vorisini qidirish bilan muntazam mashg‘ul ekanligi haqidagi so‘zlariga izoh berdi.
Ma’lumot uchun, ushbu lavozimga 2018-yilda qayta saylangan Putining prezidentlik vakolatlari 2024-yilda yakunlanadi.
Izoh (0)