Davlat statistika qo‘mitasidan olingan ma’lumotga ko‘ra, O‘zbekiston 2019-yilning yanvar—sentabr oylari davomida 3,98 milliard dollarlik oltin eksport qildi.
Qo‘mita ma’lumotlariga ko‘ra, bu ko‘rsatkich 2015-yilda — 823,9 million dollarni, 2016-yilda — 738,2 million dollar, 2017-yilda 1,6 milliard dollarni tashkil etgan.
Eksport umumiy hajmida oltinning ulushi 29,1 foizni tashkil qilgan. Bu o‘tgan yilning shu davriga nisbatan qariyb 2,6 barobar ko‘p.
Shuningdek, ko‘rsatilgan davr mobaynida 1,17 milliard dollarlik to‘qimachilik mahsulotlari, 1,14 millilar dollarlik oziq-ovqat mahsulotlari, 706,6 million dollarlik rangli metallar va undan tayyorlangan buyumlar hamda 675,2 million dollarlik kimyo mahsulotlari va buyumlari eksportga chiqarilgan.
Izoh (0)