Futbol bo‘yicha Italiya A Seriyasining 8-turi doirasida 20-oktabr, yakshanba kuni 6 ta o‘yin bo‘lib o‘tdi.

Foto: Reuters

Antonio Konte qo‘l ostidagi Milanning “Inter” jamoasi mehmonda “Sassuolo”ga qarshi maydonga tushdi.

Uchrashuvda neradzurrilar a’zolari Lautaro Martines (2, 71, penalti) hamda Romelu (38, 45, penalti) 2 tadan golga mualliflik qilgan bo‘lsa, mezbonlardan Domeniko Berardi (16), Filip Jurichich (74) va Jeremi Boga (81) o‘z nomiga bittadan gol yozdirib qo‘ydi.

Shu tariqa “Inter” “Sassuolo”ni 4:3 hisobida mag‘lubiyatga uchratdi va muhim 3 ochkoga ega bo‘ldi.

Mazkur g‘alabadan so‘ng Milan klubi ochkolari sonini 21 taga yetkazib oldi va jamoa musobaqa jadvalida 2-pog‘onada bormoqda. “Sassuolo” esa 6 ochko yig‘ib 17-o‘rinni egallab turibdi.

Paulu Fonseka boshliq Rimning “Roma” klubi safarda “Sampdoriya” bilan o‘ynadi.

Bellashuv davomida darvozalarga gol urilmadi va o‘yin 0:0 hisobida yakunlandi.

Ta’kidlash joiz, “Roma” 13 ochko to‘plab musobaqa jadvalida 6-o‘rinni band qilib turibdi. So‘nggi o‘rinda borayotgan “Sampdoriya” hisobida esa 4 ochko mavjud.

Shu kuni Stefano Pioli boshqaruviga o‘tgan “Milan” esa “Juzeppe Meatssa” stadionida “Lechche”ni qabul qildi.

To‘qnashuv davomida “rossonerilar” vakillari Xoqon Chalxono‘g‘lu (20) va Kshishtof Pyontek (81) raqib darozasiga gol urgan bo‘lsa, mehmonlardan Xuma al-Babakar (62) hamda Marko Kalderoni (90+2) Janluiji Donnarumma qo‘riqlayotgan darvozani ishg‘ol qilishga erishdi.

Natijada “Milan” o‘z maydonida kechgan bahsda “Lechche” bilan 2:2 hisobida durang o‘ynadi va tomonlar bir ochkodan bo‘lishib oldi.

Ma’lumot uchun, milanliklar 10 ochko jamg‘argan holda musobaqa jadvalida 12-o‘rinda bormoqda. “Lechche” esa 7 ochko bilan 15-o‘rinni egallab turibdi.

A Seriya

8-tur bahslari

20-oktabr, yakshanba

“Sassuolo”—“Inter” 3:4

Gollar: 0:1 — 2 Martines, 1:1 — 16 Berardi, 1:2 — 38 Lukaku, 1:3 — 45, penalti Lukaku, 1:4 — 71, penalti Martines, 2:4 — 74 Jurichich, 3:4 — 81 Boga

“Kalyari”—SPAL 2:0

Gollar: 1:0 — 9 Nainggolan, 2:0 — 67 Farago

“Sampdoriya”—“Roma” 0:0

“Udineze”—“Torino” 1:0

Gol: 1:0 — 42 Okaka Chuka

“Parma”—“Jenoa” 5:1

Gollar: 1:0 — 38 Kutska, 2:0 — 42 Kornelius, 3:0 — 45 Kornelius, 4:0 — 50 Kornelius, 4:1 — 52 Pinamonti, 5:1 — 79 Kulusevski

“Milan”—“Lechche” 2:2

Gollar: 1:0 — 20 Chaxono‘g‘lu, 1:1 — 62 al-Babakar, 2:1 — 81 Pyontek, 2:2 — 90+2 Kalderoni

Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!