Rossiyaning Krasnoyarsk o‘lkasi gubernatori Alesandr Uss 21-oktabrni Kuraginsk tumanida damba o‘pirilishida halok bo‘lganlar xotirasiga motam kuni deb e’lon qildi. Bu haqda “RIA Novosti” xabar bermoqda.
Oxirgi ma’lumotlarga ko‘ra, 18-oktabr, juma kuni kechki payt damba o‘pirilishi va ishchilar posyolkasidagi ikki yotoqxona suv ostida qolishi oqibatida 15 kishi halok bo‘ldi, 13 kishi bedarak yo‘qolgan.
Favqulodda holatni bartaraf etish va bedarak yo‘qolganlarni qidirishga 300 nafarga yaqin odam, 6 ta MI-8 vertolyoti hamda bir necha kichik kema jalb etilgani aytilmoqda.
Avvalroq Krasnoyarsk o‘lkasi, Kuraginsk tumanidagi Seyba daryosida oltin qazib oluvchi artelga qarashli texnologik suv havzasining dambasi o‘pirilgani haqida xabar berilgandi.
Izoh (0)