O‘zbekiston Prezidentining 16-oktabrdagi qarori bilan Yadro-energetika dasturi uchun kadrlar salohiyatini rivojlantirish strategiyasi tasdiqlandi. Bu haqda “Huquqiy axborot” xabar berdi.
Strategiyaga muvofiq, yadro-energetika dasturi uchun kadrlar tayyorlashga davlat buyurtmasi shakllantiriladi.
Buning uchun ushbu kadrlarga bo‘lgan ehtiyoj aniqlanadi, ularni tayyorlash va qayta tayyorlash uchun mutaxassisliklar ro‘yxati belgilanadi.
Ma’lumot uchun, Prezident farmoniga asosan, O‘zbekiston Milliy universiteti, Samarqand davlat universitetida atom energetikasi sohasida mutaxassislar tayyorlash uchun yangi magistratura mutaxassisliklari ochildi, Toshkent davlat texnika universitetida “Energetika (atom energetikasi)” mutaxassisligi bo‘yicha talabalarni o‘qitish tashkil etildi.
Strategiyaga ko‘ra, AESni ekspluatatsiya qiluvchi tashkilot xodimlari 4 ta bosqichda quyidagi yo‘nalishlar bo‘yicha tayyorlanadi:
- oliy rahbar xodimlar;
- ekspluatatsiya (operativ va ta’mirlash) xodimlari;
- yordamchi texnik xodimlar;
- ma’muriy-boshqaruv xodimlari.
Shuningdek, mazkur filial xodimlari Atom energetikasini rivojlantirish jamg‘armasi hisobidan moddiy rag‘batlantiriladi.
Strategiya maqsadlarida Xalqaro atom energiyasi agentligi (MAGATE), Jahon yadro uyushmasi huzuridagi Jahon yadro universiteti (Buyuk Britaniya), shuningdek, “Rosatom” ta’lim muassasalari (Rossiya) bilan hamkorlik yo‘lga qo‘yiladi.
Izoh (0)