Energetika vazirligi O‘zbekistonda mahsulot taqsimoti haqidagi kelishuv ratifikatsiya qilinishining yangi tartibini joriy etishni taklif qilmoqda. Bu haqda Spot xabar berdi.
Normativ-huquqiy hujjatlar muhokamasi portalida joylashtirilgan qonun loyihasi qabul qilingudek bo‘lsa, kelishuv parlament tomonidan tasdiqlanishi kerak bo‘ladi. Hozirda bunday bitimlar investorlar bilan to‘g‘ridan to‘g‘ri muzokaralar natijasida hukumat qarori bilan tasdiqlanishi mumkin. Bu norma va ochiq savdolarsiz shunday kelishuvlarni tuzishni bekor qilish taklif etilmoqda.
Eslatib o‘tamiz, O‘zbekiston 2018-yili gazning bir qismini ichki bozorga olgani uchun “Lukoyl”dan 600 million dollar qarzdor bo‘lib qolgandi. Bu Rossiya kompaniyasi bilan mahsulot taqsimoti kelishuvi qazib olinayotgan gaz to‘lig‘icha eksport qilinishini ko‘zda tutgani bilan izohlangan.
Izoh (0)