Rixsixon Egamberdiyeva ayni paytda to‘rt yoshda. Bir necha yillar oldin shifokorlar tomonidan unga miya falajining spastik dipligiya turi, talvasa sindromi, bolalar miya shilliq qavati falaji tashxislari qo‘yilgan.
Kasallik tufayli qizaloqning miyasi yaxshi rivojlanmagan, to‘rt yoshdan oshgan bo‘lsa-da, mustaqil harakat qila olmaydi.
“Rixsixon eng kenja uchinchi farzandim. Qaydanam murg‘akkina go‘dakka bu dard yo‘liqdi, bilmayman. Uni davolatish uchun olib bormagan shifokorimiz qolmadi. Bor-budimizni sotib, aytilgan muolajalarning barchasini qildik. Ammo hech biri qizimga ijobiy ta’sir qilgani, ahvoli yaxshi tomonga o‘zgargani yo‘q. Shifokorlarning aytishicha, bolajonimning o‘ng oyog‘iga ulangan tos suyagining pay qismi o‘smay qolgan. Butkul tuzalib ketishi uchun Hindistonda operatsiya qilinishi kerak ekan. Operatsiyaning o‘ziga 15 ming dollar kerak ekan.
Turmush o‘rtog‘im yagona boquvchimiz. Uning topganlari ro‘zg‘orga zo‘rg‘a yetib turibdi. Tabiiyki, Hindistonga borib qizimni operatsiya qildirishga qo‘limiz ancha kaltalik qiladi.
Bolajonim tuzalib ketib, boshqa qizlar kabi o‘ynab-kulib yurishini juda istayman. Bu borada saxovatpesha insonlarning yordamiga muhtojmiz. Ilohim, yaxshiliklari mendan qaytmasa, Xudodan qaytsin”,— deydi onasi Dildora opa biz bilan suhbatda.
Barcha hamyurtlarimizdan 4 yoshli Rixsixonning sog‘ayib ketishiga hissa qo‘shishlarini so‘rab qolamiz.
Xayriya qilmoqchi bo‘lganlar uchun kerakli ma’lumotlar:Plastik karta orqali:(Click, Payme)Onasi Dildoraxon Egamberdiyeva nomiga ochilgan
Ipoteka bank
8600 3329 8477 9714
Ipoteka bank amaliyot bo‘limining Shayhontoxur tumani filialida onasi Dildoraxon Egamberdiyevanomiga ochilgan rekvizitlari:
MFO: 00425 INN: 201027734
Hisob raqami:
23120000 100000 425201
Xorijdan bankdan mablag‘ yubormoqchi bo‘lganlar uchun onasining pasport ma’lumotlari:Egamberdiyeva Dildoraxon Sobir qizi
Pasport raqami: AB 1722613
Onasi Dildoraxon opaning telefon raqami:+99893 3963371
Izoh (0)