Artel kompaniyasi barcha O‘zbekiston korxonalari orasida “Talabalar fikri bo‘yicha eng ma’qul ish joyi” nominatsiyasida g‘alaba qozondi

Da Vinci konsalting agentligi tomonidan har yili o‘tkaziladigan so‘rov yurtimiz talabalarining ko‘pchiligi aynan Artel kompaniyasida mehnat qilishni istashlarini yaqqol ko‘rsatdi. So‘rov 1500 nafar talabalar orasida o‘tkazildi.

Artel – muntazam rivojlanuvchi, innovatsion texnologiyalar asosida maishiy texnika va elektronika ishlab chiqaruvchi kompaniya. Bugungi kunda Artel O‘rta Osiyoning maishiy texnika ishlab chiqaruvchi eng yirik korxonasi bo‘lib, kompaniyada 11 mingdan ortiq xodim xizmat qiladi. Aytish lozimki, Artel korxonasida xodimlar o‘z ustida ishlab, professional ko‘nikmalarini rivojlantirishlari uchun barcha sharoitlar mavjud. Bundan tashqari, barcha xodimlar uchun professional kvalifikatsiyani oshirish va turli xil ijtimoiy loyihalarda ishtirok etish uchun keng imkoniyatlar yaratilgan.

Bugungi kunda kompaniyada quyidagi yo‘nalishlar eng katta talabga ega:

• Moliya bo‘limi;
• SAP dasturchisi;
• R&D bo‘limi texnolog-konstruktori;

Mehnat unumli, kayfiyat esa a’lo bo‘lishi uchun foydali va asosiysi shirin taom tanovul qilish lozim. Artel korxonasida 40 dan ortiq oshpazlar har kuni biri-biridan mazali taomlar tayyorlashadi. Taomlar assortimenti o‘ta keng va xilma-xil: taomlar hafta davomida umuman qaytarilmaydi. Bundan tashqari oshpazlar har kuni ikki xil taom va bir necha turdagi salat tayyorlashgani tufayli, xodimlar nima tanovul qilishni o‘zlari tanlash imkoniyatiga ega.

Kompaniya xodimlari unumli mehnat qilishlari uchun yana bir muhim omil – ijtimoiy munosabatlar. Artel kompaniyasida mehnat qiladigan barcha ishchilar biri-biriga oiladek bo‘lib qolgan. Biz bir-birimizni cheksiz xurmat qilamiz, turli nizo va bahslardan nari bo‘lgan holda har qanday vaziyatda ham xushmuomalalik bilan, mehmondo‘st munosabatda bo‘lishga harakat qilamiz. Chunki har qanday korxonani olg‘a survchi, rivojlantiruvchi ishongan tog‘i – bu uning xodimlaridir. Muvaffaqiyat esa xodimlar birdek mehnat qilganidagina yuzaga keladi.

Artel kompaniyasi yosh kadrlarni ishga olishga doimo tayyor. Agar Siz tajribali mutaxassislradan ilm o‘rganishga, o‘z ustida ishlab muntazam rivojlanishga tayyor bo‘lsangiz, yurtimizda istiqomat qiluvchi barcha insonlarga shinamlik baxsh etishni orzu qilsangiz, Artel kompaniyasi Sizni ishga taklif etadi.

Reklama huquqi asosida.