Bugun,

  • USD 10940.05
  • RUB 182.26
  • EUR 11121.65

Buxoro viloyati Kogon tumanida yashovchi fuqaro pulni naqdlashtiruvchi bankomatda ikki million so‘mni unutib qoldirdi. Pullarni esa boshqa bir erkak olib ketdi, deb yozadi “Postda”.

Hodisa 2-oktabr, chorshanba kuni soat 10:30 larda yuz bergan.

“Kogon shahrida yashovchi 39 yoshli B.M. ‘Qishloqqurilishbank’ning Kogon shahar filiali oldida joylashgan bankomatdan pul naqdlashtirayotganda uyali telefoniga qo‘ng‘iroq bo‘ladi. Telefon orqali suhbatga berilgan mijoz bankomatdan chiqib turgan 2 million so‘m pulni olishni unutib, ketib qoladi. Qaytib kelganda esa, kech bo‘lgan edi”, — deyiladi xabarda.

Fuqaro B.M.ning shahar IIBga qilgan murojaati asosida zudlik bilan olib borilgan tezkor surishtiruv harakatlari davomida ushbu jinoyatni Kogon shahar Zebiniso ko‘chasida yashovchi D.H. sodir etganligi aniqlandi. U bankomatga yaqin joyda B.M.ning xatti-harakatlarini kuzatib turgan. Pullarni unutib qoldirganligidan foydalanib, bankomatda turgan ikki million so‘mni olib ketgan.

Mazkur holat yuzasidan jinoyat ishi qo‘zg‘atildi.

Izoh
Asosiy yangiliklar
Mahalliy
Nukusda bir-biri bilan mushtlashgan maktab o‘quvchilarining ota-onasi jarimaga tortildi
Mahalliy
AQSH elchixonasi O‘zbekiston armiyasi shifokoriga minnatdorchilik bildirdi
Dunyo
Xitoy olimlari dunyoda birinchi bo‘lib Arktika bo‘risini klonlashtirdi (video)