8-oktabr kuni O‘zbekistonning Buyuk Britaniya va Shimoliy Irlandiyadagi favqulodda va muxtor elchisi etib tayinlangan Said Rustamov Toshkentdan Londonga jo‘nab ketdi. Bu haqda Tashqi ishlar vazirligi xabar berdi.

Foto: Review.uz

Said Rustamov bunga qadar O‘zbekistonning Isroildagi elchisi bo‘lib ishlagan.

Unga qadar esa Tashqi ishlar vazirligining Amerika mamlakatlari bilan hamkorlik boshqarmasi boshlig‘i va O‘zbekistonning AQShdagi elchixonasida maslahatchi bo‘lib ishlagan.

2017-yil iyul oyidan beri Alisher Shayxov O‘zbekistonning Buyuk Britaniyadagi elchisi bo‘lib ishlab kelayotgandi.