MIB Toshkent shahar boshqarmasi hamda IIBB Yo‘l harakati xavfsizligi boshqarmasi bilan hamkorlikda o‘tkazib kelinayotgan reyd tadbirlari poytaxtning markaziy 12 ta ko‘chasida davom etmoqda. Bu haqda “Daryo”ga MIB matbuot xizmati ma’lum qildi.
Joriy yil 11-iyunidan 30-sentabr kuniga qadar poytaxt yo‘llarida o‘tkazilgan reyd tadbirlari davomida qoidani buzib, o‘z vaqtida jarimalarni amalga oshirmagan 96 ming nafardan oshiq qoidabuzar haydovchi aniqlangan bo‘lib, ulardan jami 26 milliard 800 million so‘m jarima undirildi.
Shundan haydovchilar tomonidan ixtiyoriy 60 kun muddatda to‘lovni amalga oshirimaganligi oqibatida MIB Toshkent shahar boshqarmasi va hududiy tuman bo‘limlari ish yurituviga chiqarilgan ijro hujjatlari doirasida 37454 nafar qoidabuzardan 12 milliard 480 million so‘m undirilgan.
Jami 4685 ta avtotransport vositasi jarima maydonchalariga joylashtirilgan. Bunday ko‘rsatkich joriy yil yanvar oyidan mart oyiga qadar davom etgan dastlabki reyd tadbirlarida qayd qilinmagan edi.
Izoh (0)