Toshkent metropolitenining barcha bekatlarida Wi-Fi’ga ulanish imkoniyati paydo bo‘ldi. Bepul Internetdan foydalanishni boshlash uchun metroga tushmasdan avval SMS — ro‘yxatdan o‘tish kerak.
7-oktabrdan boshlab metropoliten foydalanuvchilariga Internetdan bepul foydalanish imkoniyati taqdim etildi. Ushbu loyihani amalga oshirish ikki kompaniya — Metrotelecom va Sola Wi-Fi operatorining hamkorligi tufayli amalga oshirildi.
Endilikda Toshkent metropoliteniga barcha tashrif buyuruvchilar ijtimoiy tarmoqlarning tasmali xabarlarini ko‘rishlari, onlayn tarzda sevimli musiqalarini tinglashlari va tezkor messenjerlarida suhbatlashishlari mumkin.
Tizim tomonidan kirishning ikki turi ta’minlanadi — pullik va bepul.
Bepul tarmoqqa ulanish uchun quyidagi amallarni bajarish kerak:
1. Metroga tushishdan oldin #MetrotelecomFree tarmog‘ini tanlash;
2. Telefon raqami orqali ro‘yxatdan o‘tish;
3. Reklama roligini tomosha qilish;
4. Internetga kirish imkoniyatini qo‘lga kiritish.
Internetga qanday ulanish bo‘yicha ko‘rsatmalar, shuningdek, metroga tushishdan oldin ko‘rish mumkin bo‘lgan maxsus taxtachalarda tasvirlanadi.
“Ushbu loyiha bizning kompaniya va texnik hamkorimiz Sola uchun muhim voqea. Biz uni amalga oshirish uchun uzoq vaqt ter to‘kdik va bu faqat boshlanishi. Ushbu tadbir O‘zbekiston bozori uchun mutlaqo yangi telekommunikatsion yechimlar va xizmatlarni ilgari surishga qaratilgan bosqichlardan biridir. Amalga oshirilgan harakatlar ko‘plab xizmatlarni taqdim etish va aholining va sayyohlarning hayotini yanada qulay qilish imkonini beradi. Kelgusida yanada qiziqarli tashabbusni amalga oshirishni rejalashtirmoqdamiz ”, — ta’kidladi Metrotelecom kompaniyasi direktori Olimov Olimxon.
Avvalroq, Metrotelecom Ucell bilan birgalikda metro bekatlarida mobil aloqa xizmatlarini yo‘lga qo‘yganligi haqida xabar bergan edik, ushbu kompaniya bilan texnik sheriklik tufayli vagonlar ichida aloqa o‘rnatish loyihasini birgalikda amalga oshirish rejalashtirilmoqda.
Reklama huquqi asosida.
Izoh (0)