Ekvador prezidenti Lenin Moreno milliy televideniya efirida mamlakat poytaxti Kito shahridan Tinch okeani sohilida joylashgan yirik shahar Guayakilga ko‘chirilganini e’lon qildi. Bu haqda Meduza xabar bermoqda.
Qaror 3-oktabr kuni benzin va dizel yoqilg‘isiga subsidiyalarni bekor qilish to‘g‘risidagi farmon imzolanganidan buyon davom etayotgan ommaviy noroziliklar sharoitida qabul qilingan. Norozilik namoyishlarini uyushtirishda Moreno tashqi kuchlarni ayblagan.
Morenoning aytishicha, Venesuela prezidenti, mustabid Nikolas Maduro Ekvador sobiq prezidenti Rafael Korrea bilan birgalikda o‘zlarining beqarorlashtirish bo‘yicha rejalarini amalga oshirdi.
Moreno Xalqaro valyuta fondidan yordam olish maqsadida yoqilg‘iga (1,3 milliard dollar) subsidiyalardan voz kegan. Oqibatda benzin va dizel yoqilg‘isi naxi 123 foizga oshgan.
Bunday iqtisodiy choralarga qarshi namoyishlarda transport kasaba uyushmalari, shuningdek, talabalar va mahalliy aholi vakillari ishtirok etgan. Ekvadorda 3-oktabrdan favqulodda holat joriy etilgan.
Norozilik namoyishlari oqibatida 1 kishi mashina urishidan halok bo‘lgan. Namoyishchilarning 477 nafari hibsga olingan.
Izoh (0)