Ijtimoiy tarmoqdarda 7-oktabr kuni “Surxondaryolik fermerlar paxta rejasini bajarish bo‘yicha ‘uddaburonlik’ qildilar. Qabul punktiga kelgan pritsepdagi paxta ichidan 10 kishi chiqdi” sarlavhali videolavha tarqaldi.
Surxondaryo viloyati matbuot xizmatining xabariga ko‘ra, videolavhada namoyish etilgan holat shu kunning o‘zida tezkorlik bilan o‘rganib chiqildi.
O‘rganish jarayonida mavsum boshidan buyon viloyatdagi mavjud paxta qabul qilish punktlarining birortasida tirkamasi (pritsepi) raqami 4512 bo‘lgan traktor qabul qilinganligi, traktorlar pritsepida ortilgan paxta ichidan odam tushib kelishi holatlari aniqlanmagan.
“Shuni inobatga olib, viloyat hokimligi videolavhada aks etgan holat Surxondaryoda bo‘lganligini qat’iy rad etadi”, — deyiladi Surxondaryo viloyati matbuot xizmati xabarida.
Mavzuga doir:
Izoh (0)